Nadakpan sa mga operatiba sa General Luna Municipal Police Station ang usa ka wanted person sa kasong Qualified Rape atol sa law enforcement operation sa Barangay Poblacion 5, General Luna, Siargao, niadtong Sabado, niadtong nakalabay nga adlaw.
Sumala ni PCPT Ariel E. Esperon, Officer-in-Charge sa General Luna Municipal Police Station, ang suspetsado mao ang Top 2 Most Wanted sa tibuok Surigao del Norte. Nasikop kini pinaagi sa warrant of arrest nga giisyu ni Hon. Maria Bernadeth Andal Subaan, Executive Judge sa RTC Branch 31, nga walay girekomendang pyansa.
Gidala ang akusado sa estasyon sa kapolisan alang sa hustong dokumentasyon ug disposisyon. Nag-atubang kini og kasong Qualified Rape ubos sa Criminal Case No. 26-214, samtang nagpadayon ang kampanya sa kapolisan batok sa mga wanted nga persona aron mapadayon ang kalinaw ug kahapsay sa komunidad.
Photo Courtesy: General Luna Municipal Police Station
