Nakaplagan ang usa ka lawas sa wala pa mailhing babaye sa usa ka umahan sa Purok 4, Upper, Barangay Sto. Niño, Talaingod, Davao del Norte, alas-7:30 sa buntag sa Hulyo 14, 2026.
Sumala sa Talaingod Municipal Police Station, ang biktima naa na sa advanced state of decomposition sa dihang nadiskubrehan.
Nagsul-ob kini og pula nga T-shirt ug dark-colored jogging pants, apan walay nakit-ang identification card o personal nga mga gamit nga makatabang sa pag-ila sa iyang identidad.
Giseguro dayon sa kapulisan ang maong lugar ug gipadayon ang imbestigasyon aron mailhan ang biktima, matino og masayran ang hinungdan sa iyang kamatayon.
Nagpadayon ang panawagan sa kapulisan sa publiko nga motabang sa pag-ila sa biktima samtang padayon ang imbestigasyon sa maong kaso.
Photo Courtesy: Talaingod MPS
