Mitaliwan ang South African midfielder nga si Jayden Adams sa edad nga 25-anyos. Nakadula si Adams sa tulo ka group stage matches sa South Africa atol sa FIFA World Cup, ug nakatabang sa koponan nga makaabot sa knockout stage sa dili pa mapildi sa Canada sa Round of 32.
Sa pagkakaron, wala pa giklaro sa mga awtoridad ang hinungdan sa iyang kamatayon. Nakit-an ang iyang patayng lawas sa Schotschekloof, Cape Town niadtong Sabado sa buntag, hinungdan nga gilunsad sa kapulisan sa South Africa ang imbestigasyon.
Mipadayag usab og kasubo si South African Sports, Arts and Culture Minister Gayton McKenzie, ug naglaom nga madali sa mga awtoridad ang pag-ila sa tinuod nga hinungdan sa kamatayon sa batan-ong football player.
Photo Courtesy: Al Jazeera
