Girekomenda sa National Bureau of Investigation (NBI) ngadto sa Department of Justice nga pasakaan og kaso ang 12 ka indibidwal nga gilambigit sa pagkamatay sa duha ka student-athlete sa Ateneo de Manila University atol sa usa ka team-building activity sa Aurora.
Lakip sa girekomendang kasuhan og reckless imprudence resulting to homicide ang head coach sa Ateneo Cagers nga si Tab Baldwin, unom ka assistant coach ug usa ka physical therapist. Girekomenda usab sa NBI nga pasakaan og simple negligence resulting in two counts of homicide ang tulo ka tag-iya sa resort ug usa ka athletic director.
Kahinumdoman nga niadtong Hunyo 8 niining tuiga nalunod ug namatay ang Ateneo Blue Eagles rookie basketball player nga si Rene Baterbonia ug iyang kauban nga si Divine Adili, atol sa maong kalihokan. Kahinumdoman nga girekomenda usab sa Criminal Investigation and Detection Group (CIDG) nga kasuhan si Baldwin ug uban pang miyembro sa coaching ug support staff tungod sa giingong paglapas sa Anti-Hazing Act.
