Nahimong sentro sa atensyon ang kapin 800 ka libra nga peanut butter sa usa ka museyo sa Rotterdam, Netherlands. Imbes ipahid sa tinapay, gikatag kini sa salog isip usa ka art installation aron pagpasidungog sa mitaliwang Dutch conceptual artist nga si Wim T. Schippers.
Ang peanut butter nga igo unta makahimo og kapin 15 mil ka sandwiches maoy gigamit sa pagbalik sa iyang sikat nga obra nga “Pindakaasvloer” o peanut butter floor, nga una niyang gipakita niadtong 1969. Samtang ang pagpasundayag sa maong obra, magpabilin sulod sa duha ka bulan ug giingong ang baho sa peanut butter masimhot pa sa ubos nga andana sa museyo.
Bisan pa sa kataw-anan sa konsepto, seryoso ang mga tigdumala sa museyo sa pagpanalipod sa artwork. Gani, gidili ang pagtamak o paghigda sa peanut butter, ug gipahimangnoan usab ang mga adunay allergy sa mani. Sa pagtan-aw sa uban, mahimo kining makapagutom. Apan sa kalibotan sa art, usahay ang pinakasimple nga butang mahimong usa ka obra nga makapahingangha.
Photo Courtesy:Zarastro Art
