Dako ang kalipay sa aktor nga si Jericho Rosales human siya makatambong sa premiere sa pelikulang “The Odyssey” sa Mumbai, India, diin personal niyang nahimamat ang award-winning director nga si Christopher Nolan ug mga Hollywood stars sama nila Tom Holland ug Matt Damon.
Gisaysay ni Jericho nga usa kini sa labing espesyal nga higayon sa iyang karera, ug nalipay usab siya nga napirmahan ni Matt Damon ang iyang gipangayong autograph.
Diin, gidayeg usab ni Jericho ang kalidad sa “The Odyssey,” nga matod pa niya makapabati sa mga manan-aw nga murag kabahin sila sa istorya.
Tungod sa iyang dakong pagdayeg kang Nolan, nag-joke ang aktor nga andam siyang mo-audition bisan gamay ra nga papel aron lang makatrabaho ang bantugang direktor sa umaabot.
Photo Courtesy: philstar
