Nadakpan ang usa ka Top Most Wanted Person sa alas 5:00 sa hapon niadtong Hulyo 13, 2026, atol sa usa ka law enforcement operation nga gipahigayon sa mga operatiba sa ZSB 1st PMFC, inubanan sa Alicia Municipal Police Station (MPS) ug Tracker Team sa Sta. Ana Police Station (PS-6).
Ang nadakpan usa ka hamtong nga lalaki, ulitawo, construction worker, nakatapos og high school level, ug residente sa Naga, Zamboanga Sibugay.
Gidakop siya pinaagi sa Warrant of Arrest ubos sa Criminal Case Nos. R-MNL-26-03499-CR ug R-MNL-26-03500-CR tungod sa giingong paglapas sa Section 4(a) sa Republic Act No. 9995 in relation to Republic Act No. 10175 ug Section 5(1) sa Republic Act No. 9262. Ang maong warrant gi-isyu ni Hon. Maria Lorenza I. Barias-Siosana, Presiding Judge sa Regional Trial Court, National Capital Judicial Region, Branch 38, Manila, niadtong Hunyo 17, 2026, nga adunay girekomendar nga piyansa nga ₱84,000.00.
Ang operasyon narekord pinaagi sa duha ka Alternative Recording Devices (Body-Worn Cameras). Human sa pagdakop, gipahibalo ang suspek sa hinungdan sa iyang pag-aresto ug gipasabot kaniya ang iyang mga katungod sa pinulongang iyang nasabtan. Dayon gidala siya sa Alicia Municipal Police Station alang sa hustong disposisyon.
