Gihagit sa Alliance of Health Workers (AHW) ang bag-ong kalihim sa Department of Health (DOH), Dr. Jose Brittanio Pujalte Jr.
Nanghinaot ang grupo nga magpabiling makanunayon ang kalihim sa iyang posisyon pagsupak sa pribatisasyon sa mga pampublikong tambalanan lakip na ang gisugyot nga pribatisasyon sa Philippine Orthopedic Center (POC), pinaagi sa pagpalig-on pa sa sistema sa pag-atiman sa panglawas sa publiko ug pagsiguro nga ang mga ospital magpabiling accessible sa tanang Pilipino.
Samtang, andam ang Public health advocacy group nga Healthjustice Philippines nga makigtambayayong ug mosuporta kang Pujalte sa dugang pagpasiugda sa mga prayoridad sa panglawas sa publiko lakip na ang mas estrikto nga regulasyon sa sigarilyo ug vape ug ingon man mga polisiya nga makapugong sa mga sakit nga dili makatakod.
Giabiabi sa duha ka grupo sa mga health worker ang kalihim, kinsa gikatakdang manumpa karong Martes, Hulyo 14 sa Palasyo sa Malacañang.
Photo Courtesy:Philippine News Agency
