Nagpasalamat si Barangay Mandulog Captain Abungal P. Cauntongan sa Mayor sa Dakbayan sa Iligan tungod sa iyang paningkamot nga mapabilin ang pondo gikan sa DSWD alang sa 100 ka housing units ubos sa CSAP Project sa Kapuso Village Phase 1.
Matud sa kapitan, hapit na untang mawala ang maong budget, apan tungod sa paningkamot sa mayor, napadayon ang proyekto ug nahatagan og bag-ong puluy-anan ang mga benepisyaryo. Dugang niini, kini na ang ikaduhang turn-over sa maong housing project.
Sa katapusan, gipadayag ni Cauntongan ang iyang dakong pasalamat sa tanang ahensya nga mitabang sa kalampusan sa proyekto, ilabina sa Juander Radyo Iligan, alang sa padayon nga pagbalita ug pagpakaylap sa impormasyon bahin sa maong programa ngadto sa katawhan.
