Gibutyag ni Housing Resettlement Office Head Reynaldo Roque nga human sa pagturn-over sa katapusang 45 ka housing units sa Kapuso Village Phase 1 sa Barangay Mandulog padayon gihapon ang implementasyon sa Core Shelter Assistance Program (CSAP) alang sa mga pamilyang naapektuhan sa Bagyong Sendong.
Matud ni Roque, kapin sa 100 ka housing units ang nahuman na sa Upper Hinaplanon ug mao kini ang sunod nga iturn-over. Nagpadayon usab ang housing project sa Calubihon, Dalipuga.
Dugang niya, ang Upper Hinaplanon, Calubihon ug Kapuso Village mao ang tulo ka sites nga gipili sa CSAP Committee alang sa pagtukod sa mga balay pinaagi sa pondo sa DSWD, uban sa counterpart support gikan sa Dakbayan sa Iligan.
Photo Courtesy: LGU-Iligan-City Engineer’s Office
