Mga Ka-Juander, kung naa moy biyahe sakay og eroplano, ayaw gyud tawn sundoga kining lola sa China.
Usa ka 80-anyos nga babaye ang nakapa-delay og biyahe sa usa ka eroplano sa Shanghai human niya gilabay ang siyam ka sinsilyo paingon sa makina sa eroplano. Ngano man? Kay para matod pa… swertehon ang ilang biyahe.
Matod pa sa lola, nag-ampo lang daw siya alang sa luwas nga paglupad. Apan sa siyam ka sinsilyo nga iyang gilabay, usa gyud ang miigo sa makina sa eroplano.
Imbes nga swerte ang madani, 150 ka pasahero hinuon ang na-delay sulod sa pipila ka oras, kay gi-inspeksyon pag-ayo sa mga technician ang makina aron masiguro nga walay nadaot.
Ang lola, uban sa iyang bana, anak ug umagad, gidala dayon sa kapulisan aron pangutan-on sa nahitabo.
Busa mga Ka-Juander, kung gusto tag swerte sa biyahe, mas maayo pang mag-ampo, ug moabot og sayo sa airport. Kay kung sinsilyo ang imong ilabay sa makina sa eroplano, basin dili ka sa imong destinasyon moabot—kundili sa police station.
Photo courtesy:x.com
