Nahunong sa pagkakaron ang giplanong pagbalik ni Kawhi Leonard sa Toronto Raptors samtang wala pa mahuman ang imbestigasyon sa NBA batok sa Los Angeles Clippers sa giingong paglapas sa salary cap rules.
Sumala sa Toronto Raptors, gipahibalo sila sa NBA nga posibleng maapektuhan ang trade depende sa resulta sa imbestigasyon. Busa, nagdesisyon ang koponan nga hulaton una ang pinal nga desisyon sa liga.
Sa kasabutan nga gihimo niadtong Hunyo 30, ibalik unta si Leonard sa Raptors, samtang makuha sa Clippers sila Brandon Ingram, Gradey Dick, ug duha ka first-round draft picks. Si Leonard mao ang nagtabang sa Toronto nga makadaog sa ilang unang NBA championship niadtong 2019.
Gipasangil sa imbestigasyon nga adunay giingong peke nga endorsement deal aron malikayan ang salary cap, apan gipanghimakak kini sa Clippers, sa ilang tag-iya nga si Steve Ballmer, ug ni Leonard. Naglaom ang duha ka koponan nga mahuman dayon ang imbestigasyon aron mapadayon ang maong trade.
Photo courtesy: NBA
