Mikunhod og 26.5 porsyento ang net inflows sa foreign direct investments (FDI) sa Pilipinas gikan Enero hangtod Abril ning tuiga, sumala sa pinakabag-ong datos sa Bangko Sentral ng Pilipinas (BSP).
Gikan sa 2.68 bilyong dolyar sa samang panahon niadtong miaging tuig, mikunhod kini ngadto na lamang sa 1.97 bilyong dolyar. Matud sa BSP, ang pagkunhod gipasangil sa ubos nga pamuhunan sa mga langyaw nga kompanya sa debt instruments o intercompany loans tungod sa nagpadayong kawalay kasiguruhan sa worl financial.
Bisan pa niini, misaka og 53.7 porsyento ang net equity investments nga naglangkob sa bag-ong kapital gikan sa mga langyawng mamumuhunan.
Kadaghanan sa maong mga pamuhunan naggikan sa Japan, Estados Unidos ug Singapore, ug gipunting sa manufacturing, real estate, ug financial and insurance sectors sa Pilipinas.
