Usa ka rescue Dog nga ginganlag Haky gikan sa Tunisia ang nakadawat og pagdayeg human sa iyang walay undang nga pag-apil sa search and rescue operation atol sa kusog nga linog.
Sulod sa kapin 56 ka oras, nagpadayon si Haky sa pagpangita sa mga natanggong ilawom sa mga nagun-ob nga bilding. Pinaagi sa iyang hait nga pang-amoy, nakatabang siya sa rescue team sa pagluwas sa 40 ka tawo nga buhi pa ilawom sa mga debris.
Matag timailhan nga iyang gipakita nahimong giya sa mga rescuers sa pagpangita sa mga biktima ug naghatag og dugang paglaom sa ilang mga pamilya.
Human sa taas nga operasyon, nakit-an si Haky nga mihigda ug nakatulog tungod sa grabeng kakapoy human ihatag ang tanan niyang kusog sa pagtabang sa rescue mission.
Mikaylap sa social media ang hulagway sa rescue dog, diin daghang netizens ang midayeg sa iyang dedikasyon ug sakripisyo. Alang sa kadaghanan, si Haky usa ka ehemplo nga ang kabayanihan dili lamang makita sa mga tawo, kondili usab sa mga hayop nga andam motabang aron makaluwas og kinabuhi.
Photo Courtesy: Brainy Monkey
