Gibutyag ni Nadine Lustre nga sa pagkakaron, wala pa niya makita ang iyang kaugalingon nga mahimong inahan.
Iyang gipasabot nga sukad pa sa iyang kabatan-onan nahimo na siyang breadwinner sa ilang pamilya, hinungdan nga kadaghanan sa iyang kinabuhi gigahin sa pag-atiman ug pagsuporta sa uban.
Matud niya, karon gusto una niyang hatagan og panahon ang iyang kaugalingon ug matuman ang iyang personal nga mga pangandoy sa dili pa modawat og dugang responsibilidad sama sa pagka-inahan.
Bisan pa niini, giingon ni Nadine nga dili siya sirado sa posibilidad nga mausab ang iyang desisyon sa umaabot, ilabina kon moabot ang hustong panahon.
Photo Courtesy: Mega
