Opisyal nang giablihan ang PBA Season 50 Governors’ Cup pinaagi sa duha ka makusog nga panagsangka sa Ynares Center sa Antipolo.
Usa sa labing gipaabot nga event mao ang debut ni Jimmy Alapag isip head coach sa NLEX Road Warriors, diin iyang gipakita ang bag-ong direksyon sa koponan human sa iyang coaching stint sa NBA.
Nag-atbang ang NLEX ug Macau Giant Pandas sa main game, samtang nagbangga usab ang Titan Ultra ug Terrafirma sa opening game sa maong komperensya.
Gilauman nga manguna sa opensiba sa NLEX ang import nga si DeQuan Jones uban sa mga lokal nga bituon nga sila Robert Bolick ug Kevin Alas.
Samtang, gisugdan usab sa Macau Giant Pandas ang ilang kampanya pinaagi sa bag-ong import nga si De’Vondre Perry.
Ang Governors’ Cup maoy unang komperensya sa ika-50 nga season sa PBA diin nagtinigi ang mga koponan alang sa ilang paglaom nga makab-ot ang kampeonato.
Photo Courtesy: Philippine News Agency
