Giusab sa gobyerno ang collection targets sa Bureau of Internal Revenue o BIR ug Bureau of Customs alang sa 2026, subay sa bag-ong fiscal ug economic targets nga giaprobahan sa Development Budget Coordination Committee (DBCC).
Gipaubos ang target sa BIR ngadto sa ₱3.393 trilyon gikan sa naunang ₱3.43 trilyon, samtang gipataas ang target sa Bureau of Customs ngadto sa ₱1.011 trilyon gikan sa ₱1.003 trilyon.
Giklaro usab sa Department of Finance nga ang kinatibuk-ang target sa kita sa gobyerno karong tuiga gilauman nga moabot sa ₱4.81 trilyon.
Matud sa DBCC, ang pag-usab sa fiscal targets kabahin sa estratehiya aron mapadayon ang lig-on nga ekonomiya, suportahan ang pagtubo sa nasod, ug mapalig-on ang long-term economic resilience.
Gilauman usab nga makatabang sa pagkab-ot sa target ang padayon nga digitalisasyon, mas lig-on nga tax enforcement, ug pagpatuman sa mga bag-ong reporma sa sistema sa buhis.
Photo Courtesy: Philippine News Agency
