Nahugno ang usa ka dam sa Hengzhou, Guangxi Province sa Southern China, hinungdan sa grabeng pagbaha nga nasinatian sa rehiyon ug nagbilin og 39 ka patay.
Sumala sa mga awtoridad, ang walay hunong nga kusog nga pag-ulan nga dala sa Bagyong “Maysak” maoy hinungdan sa pagsaka sa lebel sa tubig sa reservoir hinongdan nga nahugno ang dam. Tungod niini, mibulwak ang tubig baha nga milapaw sa daghang komunidad ug miabot pa hangtod sa ikaduhang andana sa pipila ka mga bilding.
Liboan ka mga residente ang naapektuhan sa kalamidad ug daghan ang nibakwit sa ilang mga panimalay aron masiguro ang ilang kaluwasan. Gawas sa 39 ka namatay, siyam pa ka tawo ang padayon nga gipangita sa mga rescuers.
