Nakumpiska sa supetsado ang shabu ug marijuana atol sa gilusad nga buy-bust operation sa Drug Enforcement Unit sa Pilar Municipal Police Station, uban sa Provincial Drug Enforcement Unit sa Surigao del Norte Police Provincial Office ug PDEA Regional Office 13, sa National Highway, Mountain View, Barangay Mabini, Pilar, Surigao del Norte.
Ang nadakpan naila nga si alyas “Don Don,” 47 anyos, minyo, ug residente sa maong barangay, notadong Street Level Individual.
Narekober gikan sa suspek ang usa ka plastic sachet sa gidudahang shabu nga gibaligya sa poseur buyer, nga adunay gibana-banang timbang 0.1649 grams ug nagkantidad sa ₱1,121.32.
Nakuha usab sa operasyon ang duha pa ka sachet sa gidudahang shabu nga adunay kinatibuk-ang timbang nga 0.3298 grams ug kantidad nga ₱2,242.64, usa ka sachet sa gidudahang marijuana kush nga gibana-banang 0.5 gram ug kantidad nga ₱700, lakip ang ₱1,000 nga buy-bust money.
Ang suspek ug ang tanang nakompiska nga ebidensya anaa karon sa kustodiya sa Pilar Municipal Police Station alang sa hustong disposisyon. Kasong paglapas sa Section 5 ug Section 11, Article II sa Republic Act 9165 o Comprehensive Dangerous Drugs Act of 2002.
Photo courtesy: Pilar Municipal Police Station.
