Tulo ka mga tawo ang namatay samtang dili moubos sa lima pa ang nagpabiling missing human sa landslide nga nahitabo sa usa ka tunnel road construction site sa Wayanad District, Kerala, India niadtong Hulyo 7.
Nahitabo ang trahedya atol sa kusog nga pag-ulan nga gidala sa monsoon, diin natabunan ang daghang mga trabahante. Padayon sa pagkakaron ang search and rescue operations aron mapangita ang uban pang posible nga nalambigit sa insidente.
Sumala sa mga report, gibasol sa Kerala government ang contractor sa proyekto tungod sa kapakyasan sa pagdumala sa natapok nga mga kinalot nga yuta bisan pa sa mga una nang pahimangno sa mga awtoridad. Giimbestigahan na usab ang insidente aron masuta kung adunay nalapas nga mga safety regulations ug aron mapanubag ang mga responsable sa giingong “man-made disaster.”
Photo Courtesy: Metro Vaartha
