Duha ka tawo nga nagsul-ob og maskara ang misaka sa tumoy sa Empire State Building sa New York City niadtong Hulyo 1 ug gibuklad ang bandera nga adunay mensahe nga, “When the power of love beats the love of power the world knows peace.” Nailhan ang duha nga sila si Angela Nikolau ug Ivan Beerkus.
Milungtad og kapin usa ka oras ang ilang pagpabilin sa tumoy sa bilding samtang gibantayan sila sa kapulisan. Sa ilang pagnaog, kalit nga miluhod si Beerkus ug nag-propose kang Nikolau, nga midawat usab sa iyang kaminyoon nga tanyag.
Apan human sa maong proposal, gidakop dayon ang magtiayon sa mga awtoridad. Padayon pa ang imbestigasyon kon giunsa nila pagsulod ug pagsaka sa maong bahin sa bilding.
Wala’y naangol sa insidente, apan posible silang atubangon og mga kaso tungod sa ilang gihimong peligroso nga stunt.
Photo Courtesy: instagram
