Nasaghiran sa Saudia aircraft ang ikog nga bahin sa eroplano sa Philippine Airlines (PAL) nga naka-park samtang nangandam kini alang sa paglupad sa Ninoy Aquino International Airport (NAIA) pasado alas 11:38 sa gabie niadtong adlawng Martes.
Diin gibutyag sa New NAIA Infra Corp. (NNIC), ang tumoy sa pako sa Saudia flight SV871 maoy nakasaghid sa ikog sa PAL Airbus A320. Kung diin wala man usab natala nga dunay nasamdam sa maong panghitabo.
Dugang pa luwas usab ang tanang pasahero sa Saudi aircraft kun asa ang biyahe niini gikansela human sa insidente.
Sa pagkakaron ang eroplano sa PAL gipailawom na technical assessment samtang nagpadayon usab ang imbestigasyon aron masuta ang hinungdan sa insidente.
Gipasalig usab sa NNIC nga nagpabiling normal ang operasyon sa NAIA.
Photo Courtesy: Speed
