Trending ang romantikong “chemistry” nila ni JM Ibarra ug Fyang Smith nahimong dakong hit sa ilang bag-ong vertical rom-com series nga Will You Fake Marry Me?, nga kanunayng nag-una sa listahan sa mga pinakagitan-aw nga programa sa iWant sukad gipagawas ang Part 1 niini niadtong Hunyo 30. Nakakuha usab og dakong atensyon ang maong serye sa social media, diin ang unang lima ka mga episode niini nakatigom og kapin sa 31 ka milyon nga views sa Facebook, TikTok, ug YouTube.
Ubos sa direksyon ni Jojo Saguin, ang istorya nagtuyok kang June (Fyang), usa ka tocino promoter nga nagpakaaron-ingnon nga kaslonon sa CEO sa brand nga si Ping (JM) aron makuha ang kabilin nga gibilin sa usa ka namatay nga paryente. Bisan pa sa hagit nga pamatud-an ang katinuod sa ilang relasyon aron makuha ang kabilin, ang romantikong pagbati nga namugna tali kanila sa kadugayan nahimo nang tinuod nga gugma.
Si Fyang Smith ug JM Ibarra nagsugod sa ilang showbiz career isip mga housemates sa Pinoy Big Brother: Gen 11 niadtong 2024. Si Fyang ang nahimong Big Winner, samtang si JM usa ka finalist. Human sa PBB, nahimo silang sikat nga love team nga gitawag og “JMFyang”, nagbida sa hit digital series nga “Ghosting” ug sa pelikulang “Almost Us”.
Photo Courtesy:ABS-CBN
