Miabot ug 11 katuig ang pitaka nga nawala human nabalik ra sa tag-iya ug nakaplagan ilawom sa usa ka sakyanan nga Ford, didto sa Minnesota, Estados Unidos. Naila ang tag-iya sa maong pitaka nga si Richard Guilford, usa ka retiradong mekaniko sa Ford nga nawad-an sa iyang wallet niadto pang 2014.
Sumala niya, iyang gituohang nga nahulog iyang pitaka samtang nagtrabaho siya sa usa ka assembly plant sa Michigan sa sakyanan. Bisan sa ilang pagpangita kaniadto wala kini makita tungod sa kadaghan sa mga sakyanan sa planta ug sa ilang pagtuo napunitan na kini ug laing tawo.
Apan, paglabay sa 11 ka tuig, nakit-an ra ang maong pitaka sa usa ka mekaniko nga si Chad Volk atol sa pag-ayo sa cooling fan sa usa ka sakyanan ug iyang gipangita ang tag-iya pinaagi sa social media ug gipadala ang wallet.
Bisan pa 11 na katuig nagdagan ang sakyanan, nagpabiling pa gihapon kompleto ang sulod sa Pitaka, lakip ang company ID, driver’s license, kuwarta, ug gift cards, diin segun sa tag-iya nga isipon niya kining usa ka talagsaong panghitabo nga dili niya angay nga kalimtan.
Photo Courtesy: USA Today
