Mikunhod ang natala nga inflation rate ngadto sa 6.4 porsyento niadtong Hunyo, gikan sa 6.8 porsyento sa Mayo gumikan sa hinay nga pag-ubos sa presyo sa mga palaliton sa nasod.
Matud ni National Statistician Dennis Mapa, ang paghinay sa inflation resulta sa pagkunhod sa presyo sa produktong petrolyo ug sa mga lakang sa gobyerno aron mapalig-on ang suplay sa pagkaon.
Dako ang nahimong kontribusyon sa pagkunhod sa inflation ang sektor sa transportasyon, gumikan sa hinay nga pagsaka sa presyo sa diesel ug gasolina tungod sa pagkunhod sa tensiyon sa Middle East.
Matod ni DEPDev Secretary Arsenio Balisacan, matag pagkunhod sa inflation adunay dakong tabang sa budyet sa mga pamilyang Pilipino, ilabina sa mga kabus nga dako ang gigasto alang sa pagkaon ug pamasahe.
Giingon usab ni Balisacan nga padayon ang gobyerno sa pagpatuman sa mga programa aron mapalig-on ang produksyon sa pagkaon, ug mapadayon ang lig-on nga suplay sa mga nag-unang panginahanglanon aron mapugngan ang pagsaka sa presyo sa umaabot.
Photo Courtesy: Philippine News Agency
