Gihakot sa lungsod sa New Corella ang managlahing pasidungog gikan sa Provincial Government sa Davao del Norte atol sa kasaulogan sa 59th Araw ng DavNor ug 25th Kadagayaan Festival, niadtong Hulyo 1 hangtud 5, 2026.
Mipartisipar ang lungsod sa mga kompetisyon sama sa Kadagayaan Civic, Fiesta Floats & Music Parade, Hulagway sa Kadagayaan: Agri-Tourism Fair & LGU Booth Competition, DavNor Tourism Ad-athon 2026, ug Kusina sa Kadagayaan: Cooking Competition.
Wala usab nagpaulahi ang pinakaunang Reyna ng Davao del Norte 2026, diin duha ka mga kandidata ang mirepresenta sa lungsod sa New Corella nga mao sila Wyndel Jemina ug si Raven Dianne Aguan nga nakasulod isip Top 6 Finalist.
Mapasalamaton si Tourism Officer Al Biotumas nga midawat sa mga pasidungog atol sa Awards Night ug ilabi na sa kinatibuk-ang suporta sa katawhan ug panaghiusa sa Panggamhanang Lokal sa New Corella.
Photo Courtesy: Bayan ng New Corella
