Gipahigayon ang husay sa mga pamilyang Minalang, Cosain, Ate ug Ditano nga dugay nang adunay rido human silang mipirma sa usa ka kasabutan sa kalinaw ug pagpasaylo sa lungsod sa Matungao, Lanao del Norte ning miaging adlaw.
Sumala pa, gipasiugdahan ang maong settlement sa Sangguniang Panlalawigan Committee on Rido and Conflict Settlement isip kabahin sa padayon nga paningkamot sa Provincial Government of Lanao del Norte sa pagpalig-on sa kalinaw pinaagi sa dayalogo ug panagsinabtanay sa komunidad.
