Gipalig-on pag-usab ni City Councilor Desiree Ann Dahino ang iyang panawagan alang sa dinaliang pagpasar sa gipalapad nga ordinansa batok sa bullying sa dakbayan, dungan sa nahitabong insidente bag-ohay lang didto sa Tacloban City.
Atol sa sesyon sa konseho, gipahayag ni Dahino nga ang iyang sugyot nga balaodnon kasamtangan nang gipailalom sa pagrepaso sa City Legal Office tungod kay karaan ug “outdated” na ang kasamtangang ordinansa nga napasar pa niadtong 2013. Matod niya, pisikal nga aspeto lang ang nasakop kaniadto tungod kay bag-o pa ang social media, apan sa bag-ong ordinansa, gilakip na ang tanang matang sa online bullying o cyberbullying.
Aron mas mapatuman ang proteksyon sa mga kabataan, gipaningkamutan usab ni Dahino nga mabutangan og labing minus usa ka mental health professional o guidance counselor ang matag pampublikong tunghaan sa dakbayan. Giangkon sa konsehal nga nakabentaha ang mga pribadong eskwelahan tungod kay aduna silay saktong giya alang sa mga estudyante, samtang nagpabiling kulang niini ang pampublikong sistema sa edukasyon sa syudad.
Photo courtesy: Cagayan de Oro City Council
