Gihugtan karon sa City Local Environment and Natural Resources Office (CLENRO) ug sa Barangay Macabalan ang monitoring aron mapugngan ang iligal nga paglabay og basura sa mga lugar nga kanunayng himuong labayanan, ilabina sa Punta, Barangay Macabalan, Cagayan de Oro City.
Matod ni CLENRO Head Bing Mabelin, nahinloan na ang lugar pinaagi sa pagpanghipos sa nagtapok nga mga basura, lakip na ang mga anaa sa daplin sa katubigan aron malikayan ang dugang nga polusyon ug pagbabag sa agianan sa tubig.
Tungod niini, nag-awhag ang CLENRO sa publiko nga magtinabangay sa husto nga pagdumala sa basura ug likayan ang paglabay niini sa mga dili angayng lugar aron mapadayon ang kalimpyo sa siyudad.
Mahinumduman nga nabalaka ang mga residente sa lugar human nagtapok ang daghang basura nga hinungdan sa baho ug nakasamok sa komunidad.
Photo courtesy: CLENRO CdeO
