Gilauman sa Bangko Sentral ng Pilipinas nga mas daghang mga bangko ang dili na maningil og bayronon sa fund transfers ngadto sa ubang bangko ug mga e-wallet sa umaabot nga mga adlaw.
Sumala kang BSP Governor Eli Remolona Jr., gilauman nga sulod sa duha ka adlaw adunay dugang nga mga bangko ang mosunod sa maong lakang.
Una nang gipahibalo sa Bank of the Philippine Islands nga wala na kini maningil og bayronon sa fund transfers pinaagi sa InstaPay ug PESONet padulong sa ubang bangko ug e-wallets gamit ang ilang digital platforms. Gisundan usab kini sa Rizal Commercial Banking Corporation, nga nagsugod sa dili na pagsingil og InstaPay fees alang sa mga transaksyon pinaagi sa ilang digital banking applications sugod Hulyo 4.
Matod pa ni Remolona, ang pagtangtang sa transfer fees makatabang sa pagpalapad sa paggamit sa digital payment services ug makahatag og mas daghang kapilian sa mga kustomer sa pagpadala og kuwarta ngadto sa lain-laing mga bangko ug digital wallets.
Photo Courtesy:Philippine News Agency
