Mobalik isip import sa Meralco Bolts si Jordon Varnado alang sa umaabot nga PBA Governors’ Cup. Dili na bag-o si Varnado sa Meralco, kay kaniadto nagduwa na siya isip import sa koponan sa Basketball Champions League Asia kauban nila Glynn Watson ug John Egbunu.
Sumala kang Meralco head coach Luigi Trillo, dako ang ilang pagsalig sa abilidad ni Varnado tungod sa iyang kaalam sa duwa ug kahimtang sa iyang karera.
Sa tulo ka duwa sa BCL Asia, nakatala si Varnado og average nga 19.7 puntos, 10 rebounds ug 3.3 assists matag duwa. Bisan pa niini, naputol ang iyang kampanya human mapildi ang Meralco sa XAC Broncos.
Gipasiugda usab ni Trillo nga daghan og mahatag si Varnado sa koponan, lakip na ang iyang abilidad sa pagpamusil gikan sa three-point area, mid-range shots, ug ang iyang kusog sa depensa ug opensiba. Naglaum usab ang Meralco nga mapadayon ang maayong performance sa koponan sa miaging duha ka komperensya pinaagi sa pagbalik ni Varnado.
Photo Courtesy:basket.co.il
