Mihatag si Pope Leo XlV, og emergency humanitarian assistance nga nagkantidad og 100,000 euros, aron matabangan ang mga biktima sa kusog nga linog nga mitay-og sa Venezuela. Ang pondo gamiton alang sa paghatag og hinanaling tabang sa mga apektadong pamilya ug komunidad.
Sumala sa Vatican, ang maong donasyon, ipanghatag pinaagi sa lokal nga Simbahang Katoliko ug mga humanitarian organizations aron masuportahan ang mga panginahanglanon sa mga biktima, lakip ang pagkaon, tubig, tambal ug temporaryong kapuy-an.
Ang maong tabang, kabahin sa padayon nga panawagan sa Santo Papa sa pagpakita og kaluoy ug panaghiusa ngadto sa mga komunidad nga naigo sa kalamidad. Samtang nagpadayon ang rescue ug relief operations sa Venezuela, gilauman nga makatabang ang donasyon sa pagpaspas sa pagbangon sa mga naapektuhang lugar.
Photo Courtesy: Simple Wikipedia
