Gihangyo ni Senate President Win Gatchalian ang Department of Education (DepEd) nga paspasan ang pagkuha og dugang nga School Counselor Associates sa mga pampublikong eskwelahan sa tibuok nasod.
Kini human sa nagkadaghang mga insidente sa kapintasan ug uban pang problema nga nakaapekto sa mga estudyante sulod sa mga eskwelahan.
Matud ni Gatchalian, adunay P2 bilyon nga pondo nga gilain sa 2026 national budget alang sa pag-hire og 10,000 ka School Counselor Associates I.
Giingon niya nga ang maong mga counselor makatabang sa pag-atiman sa kahimsog sa pangisip ug emosyon sa mga estudyante, maghatag og tambag, ug motabang sa paghulma sa ilang maayong pamatasan.
Ang pagkuha sa dugang nga mga counselor kabahin usab sa Basic Education Mental Health and Well-Being Promotion Act nga nagtumong sa pagpalig-on sa mental health ug kinatibuk-ang kaayohan sa mga estudyante.
Aron mahimong School Counselor Associate, ang aplikante kinahanglan nakahuman og bachelor’s degree in Guidance and Counseling, Psychology, o bisan unsang bachelor’s degree nga adunay labing menos 18 units sa Behavioral Science.
Photo courtesy: Win Gatchalian Facebook Page
