Patay ang 32 ka mga indibidwal samtang kapin sa 700 ang samaran sa nahitabong duha ka dakong linog sa Venezuela. Sumala sa interim president sa Venezuela nga padayon ang mga awtoridad sa pagpangita ug pagluwas sa mga nadat-ugan human sa kalamidad.
Mideklara na sab si Venezuelan leader Delcy Rodriguez og state of emergency. Nitabang sab sa pagpangita ang mga ordinaryong mga Venezuelan sa mga biktima sa maong trahedya nga nahitabo.
Ang duha ka linog nga adunay magnitude 7.2 ug 7.5 miigo sa samang lugar sa Venezuela kagahapong adlawa sumala sa United States Geological Survey (USGS). Ang maong mga linog nakapahugno sa mga building ug niresulta sa pagkaguba sa nag-unang airport sa nasod.
Una nang gipahibalo ni Rodriguez nga adunay 20 ka aftershocks nga misunod sa duha ka kusog nga linog. Pipila ka oras human sa duha ka linog sa Venezuela, usa usab ka 7.2 magnitude nga linog ang miigo sa amihanang Japan.
Sumala sa weather agency sa Japan, walay namatay o dakong kadaot nga narekord gikan sa maong kalamidad.
Photo courtesy: The Boston Globe
