Gipadayag sa nagkadaiyang civil society groups ang ilang kabalaka sa gitaho nga plano sa bag-ong mayorya sa Senado nga itudlo si Senador Francis “Chiz” Escudero isip presiding officer sa impeachment trial ni Bise Presidente Sara Duterte.
Sumala sa mga grupo, delikado ug dili angay ang maong lakang tungod sa mga kontrobersiya nga nalambigit sa iyang pagdumala sa miaging impeachment proceedings. Bisan pa niini, nagpahayag si Presidente Ferdinand Marcos Jr. sa iyang pagsalig sa kapasidad ni Escudero sa pagpangulo sa pag dungog, samtang giingon sa ubang senador nga wala pa’y pinal nga desisyon sa maong isyu.
Dugang pa, nagpadayon ang pre-trial conference diin gipangandaman ang pagsusi sa mga ebidensya nga may kalabotan sa giingong sayop nga paggamit sa confidential funds ug ubang alegasyon batok sa bise presidente.
Samtang gihulat ang sunod nga mga lakang sa impeachment court, gilauman nga mas motaas pa ang tensyon ug diskusyon kabahin sa proseso ug sa kinahanglanong ihap sa boto aron makab-ot ang konbiksyon sa kaso.
Photo Courtesy: Rappler
