Gidakop sa peratiba sa Regional Anti-Cybercrime Unit 13 (RACU-13), uban sa Butuan City Police Office 3, ug DENR personnel ug mga opisyal sa barangay, ang usa ka 36 anyos lalaki nga giila sa alyas nga “Dodoy” atol sa usa ka entrapment operation sa Purok 7, Barangay Bancasi, Butuan City.
Ang operasyon gipahigayon gumikan sa iligal nga pagbaligya sa mga langgam nga sakop sa endangered species sa paglapas sa Section 27(e) sa Republic Act No. 9147 o Wildlife Resources Conservation and Protection Act, ug sa Section 6 sa Republic Act No. 10175 o Cybercrime Prevention Act of 2012.
Gikasa ang operation nga gipangulohan ni PCOL Lemuel B. Gonda, sa karon gikustodiya na sa kapulisan ang suspek.
Nagpahimangno ang mga awtoridad sa publiko nga likayan ang pagpamaligya ug pagpanag-iya sa mga protektadong mananap aron mapreserbar ang kinaiyahan ug malikayan ang paglapas sa balaod.
