Nagpahigayon ang Juander Radyo Loyalista Incorporated – Zamboanga del Sur Chapter og Barangay Orientation aron ipasabot sa katawhan ang katuyoan sa organisasyon ug ang proseso sa pag-apil isip miyembro sa Juander Radyo Loyalista.
Gihimo ang maong kalihokan sa Covered Court sa Barangay Poblacion, Lakewood, Zamboanga del Sur niadtong Hunyo 19, 2026, ala-1:00 sa hapo nga gitambungan sa mga senior citizens sa barangay sa pagpanguna ni Joel Ferrer, Senior Citizen President.
Mitambong usab si Frumencio Fullo Jr., Cluster Head sa Cluster 6 nga naglangkob sa mga lungsod sa Lakewood ug Bayog, Zamboanga del Sur.
Atol sa orientation, gipasabot ang katuyoan sa Juander Radyo Loyalista, mga benepisyo nga madawat sa mga miyembro ug coordinators, ingon man ang mga polisiya ug lagda nga angay sundon isip kabahin sa organisasyon.
Gitubag usab ang nagkalainlaing pangutana gikan sa mga nanambong nga mga senior citizens aron mas masabtan nila ang mga programa ug kalihokan sa organisasyon.
Human sa orientation, daghan sa mga mitambong ang nagpahayag sa ilang interes ug nagpamiyembro pinaagi sa ilang mga coordinators nga sila Maria Cleope Ceño, Quirico Albarico, Rowena Sarmiento, Aida Dislag, Jecel Elumbaring, Ferico Esparcia, Myrah Darroca ug Renaldo Condez.
Gidasig usab sa organisasyon ang ubang mga barangay ug mga interesadong grupo nga gustong masayran ang mahitungod sa Juander Radyo Loyalista nga magpaschedule og orientation sa ilang lugar aron mas masabtan ang mga katuyoan, programa ug mga benepisyo sa organisasyon.
