Misalmot ang mga personahe sa Bukidnon Police Provincial Office (BUKPPO) ang gipahigayong CY 2026 2nd Quarter Nationwide Simultaneous Earthquake Drill (NSED) niadtong Hunyo 18, 2026, didto sa Camp Captain Ramon M Onahon.
Nag-sentro ang maong drill sa mga scenario sa pagresponde sa kalamidad sama sa linog, tsunami, ug Metro Yakal, nga nahiuyon sa National Disaster Response Plan (NDRP) ug sa mga gimbuhaton sa Local Disaster Risk Reduction Management Council sa tumong nga sulayan ang kaepisyente sa mga contingency plan, komunikasyon, ug ang command-and-control system sa tibuok probinsya.
Sa maong kalihukan gipasiugda sa mensahe ni Provincial Director Pcol Oliver S. Navales, nga isip nagrepresentar sa kapolisan gikanahanglan mahimo silang asset nga maka-assist sa mga panginhangalanon panahon sa emerhensya.
Pagkahuman sa drill, gipahigayon dayon ang pag-evaluate ug pagsusi aron mapalambo pa ang maong sistema nga gipangulohan ni Ms. Stephanie C. Manukil gikan sa CDRRMO-LGU Malaybalay City, uban sa mga representante sa Bureau of Fire Protection (BFP) nga gipangulohan ni FO3 Richard S Cabugsa, aron masiguro nga hapsay ug epektibo ang koordinasyon sa matag ahensya sa panahon sa krisis.
Dungan niini nagpahinumdom ang PNP sa publiko nga kanunayng magpabilin nga mabinantayon, mangita og saktong impormasyon, ug sundon ang mga sumbanan sa kaluwasan kon pananglitan adunay tinuod nga linog.
Photo Courtesy: BUKPPO
