Nagpahigayon ug barangay orientation ang Juander Radyo Malaybalay Newsteam sa Barangay Payad, Pangantucan, Bukidnon, niadtong nakalabay nga adlaw.
Human sa maong orientation, opisyal nga naboluntaryo isip coordinator sa organisasyon sila Leah Madrina Enot ug Maribel Jabanes aron motabang sa mga myembro sa maong organisasyon.
Gitambungan ang aktibidad sa kapin 22 ka mga residente sa barangay uban sa pagpanguna ni Juander Radyo Malaybalay Station Manager Clie Andro Daguplo, kauban si Program Director Zen Cahatol, Anchor/Reporter Vincent Sabino, Driver Jun Carlo Curpoz, ug coordinators nga sila Florintina Basong ug Nagacela Garson nga pulos residente sa lungsod sa Maramag.
Tumong sa maong orientation nga mapalapad ang panaghiusa ug pagtinabangay pinaagi sa Juander Radyo Loyalista Incorporated alang sa mas lig-on nga koneksyon sa komunidad.
