Gipakusgan sa Police Regional Office 11 ang ilang kampanya kontra kreminalidad pinaagi na sa mga pagpahigayon ug mga operasyon nga gilangkuban niadtong Hunyo 17 pasado alas 5 sa buntag ug Hunyo 18 ning kasamtangang tuig.
Kabahin niini, ang kapulisan nagpatuman ug anti-illegal drug operation nga nagresulta sa pagkasikop sa pito ka mga drug personalities ug pagkasakmit sa 144.75 gramos nga gibug-aton sa gidudahang shabu nga nagkantidad ug P984,300.00 ka pesos.
Samtang sa kampanya kontra wanted persons, ang lima ka operasyon nagresulta sa pagkasikop sa lima usab ka mga wanted indibidwal diin usa niini nalakip sa municipal level.
Padayon usab ang ilang kampanya kontra illegal nga sugal, anti-smuggling operation ingon man sa pagpatuman sa lokal nga ordinansa. Gihangyo usab ang publiko nga mureport sa mga kadudahang tawo sa palibot aron sa hinanaling aksyon.
Photo Courtesy: PRO11
