Gikumpirmar ni volleyball star Jaja Santiago nga moduwa siya sa Estados Unidos sa umaabot nga season isip bag-ong yugto sa iyang propesyonal nga karera sa volleyball.
Atol sa Philippine stop sa 2026 Volleyball Nations League (VNL) sa PhilSports Arena sa Pasig, gipadayag ni Santiago nga padayon siyang nagmintinar sa maayong kondisyon samtang nangandam alang sa iyang sunod nga koponan.
Matud pa niya, nakahanda na siya sa pag-atubang sa bag-ong hagit ug oportunidad sa Amerika.
Wala pa gihatag ang dugang detalye sa iyang pagbalhin, apan dako ang gilauman sa iyang mga tagasuporta sa iyang sunod nga panaw sa internasyonal nga volleyball.
Photo Courtesy: OpinYon news
