Nasikop ang duha ka gituohang tigpayuhot og ilegal nga droga atol sa joint buy-bust operation nga gilunsad sa City Drug Enforcement Unit o CDEU, kauban ang PDEU ug PDEA Davao del Sur, sa Purok 7-A, Barangay Aplaya, Digos City, alas 1:09 sa kaadlawon sa Hunyo 20, 2026.
Ang mga nadakpan mao sila si alyas “Migs,” 25-anyos ug giilang Street-Level Individual, ug si alyas “Lando,” 19-anyos, nga parehong residente sa Barangay Aplaya.
Narekober gikan sa operasyon ang tulo ka sachet nga adunay gituohang shabu, lakip ang buy-bust item, buy-bust money, usa ka cellphone ug coin purse.
Sumala sa kapulisan, ang nakumpiskang gituohang shabu adunay gibug-aton nga 4.27 gramos ug balor nga kapin P29 mil.
Kasamtangang gipriso ang duha ka suspetsado ug giandam na ang kasong paglapas sa Republic Act 9165 o Comprehensive Dangerous Drugs Act of 2002.
