Gilugwayan sa Securities and Exchange Commission (SEC) ang 50 porsyentong diskwento sa securities registration fees alang sa micro, small ug medium enterprises (MSMEs) hangtod sa Disyembre 31, 2026.
Tumong sa SEC nga dasigon ang mas daghang ginagmay nga negosyo nga mosulod sa capital market aron makapangita og dugang pondo alang sa pagpalapad sa ilang operasyon.
Sakop sa diskwento ang mga corporations nga nagparehistro sa securities alang sa public offerings, lakip kadtong mga ubang mga regulator’s streamlined registration process.
Apil sa makabenepisyo ang mga kompanya sa power generation ug distribution, real estate, agribusiness ug mga ospital.
Matud sa SEC, kabahin kini sa ilang mga lakang aron mapagaan ang gasto sa pagpangita og kapital sa mga MSMEs ug mapalig-on ang pagtubo sa gagmayng negosyo sa nasud.
Photo Courtesy: TARLAKENYO
