Giawhag sa Land Transportation Office (LTO) ang tanang motorista nga iparenew na ang ilang driver’s license, conductor’s license, student permit ug vehicle registration sa dili pa moabot ang Hulyo 31, 2026 aron malikayan ang multa ug silot.
Matud sa LTO, matapos na sa Hulyo 31 ang gitugot nga extension sa balidong lisensya, permit ug rehistro sa sakyanan ubos sa Memorandum Circular No. MVL-2026-5157.
Pagasabot sa ahensya nga sugod Agosto 1, ang mga expired nga dokumento nga wala mare-renew sakop na pag-usab sa kasamtangang regulasyon ug manubag na sa katumbas nga multa sa ulahing pag-renew.
Gisugyot usab sa LTO nga mokontak sa labing duol nga opisina sa LTO o motan-aw sa ilang opisyal nga social media pages alang sa tukmang impormasyon.
Matud pa sa ahensya, gitagaan nila og tulo ka bulan nga extension ang mga driver sugod niadtong Abril 2026, ug wala usab gipahamtangan og multa ang mga nalangan sa pag-renew sulod sa maong panahon.
