Gipakita ni Epy Quizon ang ilang bag-ong negosyo nga Banayad Whisky nga gitukod uban sa iyang mga igsoon isip pasidungog sa ilang amahan nga si Dolphy, nga nailhan isip Hari sa Komedya sa Pilipinas.
Matud ni Epy, inspirasyon sa maong produkto ang pelikulang “Father En Son” nga gipasalida niadtong 1995, diin nahimong bantog ang ngalan nga Banayad Whisky.
Nahimong popular kini tungod sa usa ka ikonikong eksena sa pelikula diin si Dolphy nagpakita sa makalingaw nga epekto sa matag higop sa ilimnon.
Dugang pa niya, pinaagi sa maong negosyo ilang gipadayon ang panulondon ug mga handumanan nga gibilin sa ilang amahan alang sa mga sumusunod nga henerasyon.
Photo Courtesy: Spiel Times
