Nahimong sentro sa interes ang kasinatian sa marine biologist nga si Nan Hauser human iyang ibutyag nga gitabangan siya sa usa ka humpback whale samtang naglangoy sa kadagatan sa Cook Islands.
Matud niya, balik-balik siyang gitulod ug gipahilayo sa balyena sulod sa pipila ka minuto, nga sa sinugdan wala niya masabti.
Apan sa ulahi, iyang namatikdan ang presensya sa usa ka tiger shark sa maong dapit. Nagtuo si Hauser nga nasayran sa balyena ang posibleng peligro ug gihimo kini aron mapanalipdan siya hangtod makaabot siya sa ilang sakayan.
Photo Courtesy: x.com, The creative process
