Gipaambit sa celebrity couple nga sila Robi Domingo ug Maiqui Pineda ang ilang kasinatian isip mga bag-ong ginikanan pinaagi sa usa ka social media post nga nagpakita sa ilang adlaw-adlaw nga pag-atiman sa ilang anak nga si Emmanuel.
Sa ilang gipagawas nga video, makita ang pipila ka espesyal nga higayon sukad nauli ang ilang panganay gikan sa ospital, lakip na ang pag-ilis og diaper, pag-atiman sa iyang pagkatulog, ug pagdawat og mga bisita nga higala ug kapamilya.
Matod ni Robi, bisan og kapoy ug usahay ang pag-atiman sa usa ka bag-ong natawo nga bata, dako ang ilang kalipay ug katagbawan isip mga ginikanan. Giila usab niya si Emmanuel isip usa ka dakong panalangin sa ilang kinabuhi.
Daghang fans ug kaubang ginikanan ang nagpakita sa suporta ug tambag alang sa magtiayon, samtang gipahinumdoman sila nga ang kakulang sa tulog temporaryo lamang apan bililhon ang matag sakripisyo alang sa anak.
kahinumduman nga niadtong Enero 2026, gipahibalo ni Robi ug Maiqui nga nagpaabot sila sa ilang unang anak, nga gisabay sa ilang ikaduhang anibersaryo isip magtiayon. Nailhan usab ang duha sa pag-atubang og mga pagsulay sa ilang relasyon, lakip na ang pakigbisog ni Maiqui batok sa usa ka autoimmune disease diin siya karon anaa na sa clinical remission.
Photo Courtesy to: ABS-CBN
