Nagbulag na si Bea Alonzo ug billionaire son nga si Vincent Co. Kini ang nakuhang impormasyon sa mga duol nga higala sa duha. Niadtong Mayo 28, 2026 adunay nakuhang balita sa kasaligang tinubdan may kalabutan sa panagbuwag sa couple. Samtang niadtong Hunyo 9, 2026, laing duha ka tinubdan ang nagsulti sa susamang panghitabo.
Kahibaloan nga niadtong bulan sa Mayo unta ipahigayon ang ilang kasal apan nibuto ang balita nga wala magkasinabot ang duha ug ang rason mao matod pa ang prenup agreement. Ang prenup usa ka legal nga dokumento nga naglangkob sa mga kondisyon alang sa kaminyoon sa magtiayon—usa ka butang nga kasagarang gipirmahan sa pangasaw-onon ug pamanhunon gikan sa prominente ug adunahan nga Filipino-Chinese nga mga pamilya, apan nahimo usab nga uso sa nagkadaghang mga magtiayon nga pulos Pilipino.
Ang panagbuwag nila sa aktres nga si Bea Alonzo ug negusyante nga si Vincent Co (anak sa tag-iya sa Puregold) naggumikan sa pipila ka dili pagsinabtanay sa pipila ka prenuptial agreements ug higpit nga kondisyon sa pamilya alang sa lalaki, lakip na ang pagpuyo sa Co compound ug mga pirma sa pipila ka indibidwal nga karera.
Giingong wala mauyon si Bea sa pipila ka termino sa prenuptial agreement, apil na ang mga limitasyon sa panggawi ug pinansyal nga aspeto. Usa sa mga hisgutanan mao ang tradisyon sa pamilyang Filipino-Chinese diin gikinahanglan matod pa nga mopuyo si Bea sa Co family compound human sa kasal. Gawas sa prenup, dunay mga hungihong nga adunay tensyon tali sa kampo ni Vincent ug sa mga handlers ni Bea, ilabi na sa mga kabalaka nga biyaan ni Bea ang iyang karera.
Photo Courtesy: PEP.ph
