Nakadani og atensyon ang usa ka baka didto sa Catigbian, probinsya sa Bohol, nga gitawag nila ug kinadak-an ug kinabug-atan sa timbang human kini makadaog sa kompetisyon sa gipahigayon nga Katigbawan Festival sa maong lungsod.
Matod sa report, ang maong baka mitimbang kini og 744 kilos, nga maoy nakahatag niini sa titulo isip labing bug-at ug labing dako nga baka sa maong kompetisyon.
Ang kompetisyon gisalmotan sa mga mag-uuma ug magbababoy og baka gikan sa nagkadaiyang lungsod ug barangay sa Bohol, nga nagpasundayag sa ilang mga bunuhing hayop ug sa ilang paningkamot sa pagpauswag sa livestock industry.
Ang maong kalihokan dili lamang naghatag og kalingawan sa mga manan-away, kondili nagsilbi usab nga pamaagi sa pagpasidungog sa kahago sa mga mag-uuma ug mga mag-bubuhi og baka nga dakong kontribusyon sa agrikultura sa probinsya.
Photo Courtesy: dyrd
