Nalipay ang netizens sa surprise guesting ni Bimby Aquino sa Eat Bulaga sa miaging semana. Didto gisaulog ang adlawng natawhan ni Ryza Mae Dizon, ug nasurpresa siya sa pagabot ni Bimby, usa na niini ang ilang segment nga The Age is Right kung diin gipatagna kang Bimby kung pila ang edad ni Ryza. Nagkauban sila si Bimby ug Ryza Mae sa pelikulang My Little Bossings, 13 ka tuig na ang milabay, diin gibidahan nila ni Vic Sotto ug Kris Aquino.
Giregalohan usab ni Bimby ug kwintas si Ryza Mae nga giingong Tiffany and Co nga brand. Samtang, sa interview ni Ryza Mae sa You Tube channel ni Toni Gonzaga. Gipaambit ni Ryza Mae ang mga kalisdanan nga ilang naagian sa bata pa siya. Mao nga, bisan karon nga 21-anyos na siya, wala na siyay laing gipangayo sa iyang kaugalingon kondili alang sa iyang pamilya.
Ang nindot nga istorya nga iyang gipaambit sa dihang sayis anyos pa lang siya, matod niya nga aduna sila’y silingan naay apo niuli gikan sa gawas ug iyang kauban magdula sulod sa panimalay sa ilang silingan apan aksidente niyang nabuak ang gamay na vase o plorera, dayun ingon sa ilang silingan nga mas mahal pa ang plorera kaysa ilang kinabuhi.
Kadto nga mga pulong nadala ni Ryza hangtod sa iyang pagdako, Dugang pa ni Ryza kang Toni nga maong nagkogi siya ug naningkamot ug adunay plotwist ang kinabuhi pagdaog niya sa Eat Bulaga’s Little Miss Philippines in 2012, ug ang ending napalit niya ang balay sa iyang silingan nga ni ingon kaniya nga mahal pa ang plorera kaysa sa iyang kinabuhi.
Photo Courtesy: Philippine Star
